Cynghori merched ar y menopos
Mae'n syniad da egluro gwahanol gyfnodau'r menopos i ferched a pha symptomau cyffredin i'w disgwyl. Dylid trafod opsiynau posib ar gyfer sut i'w rheoli a manteision, anfanteision, effeithiau andwyol a pha mor hir y dylai triniaethau bara. Dylid pwysleisio bod angen cymryd rhan yn rheolaidd mewn rhaglenni sgrinio'r fron (bob tair blynedd i ferched 50+) a sgrinio serfigol (bob tair blynedd i ferched rhwng 25-29 oed a phob pum mlynedd i rai rhwng 50-65 oed). Dylid hefyd atgoffa merched nad yw HRT yn atal cenhedlu ac y gallai merched barhau i fod yn ffrwythlon am flwyddyn ar ôl eu misglwyf olaf os ydynt dros 50 oed, ac am ddwy flynedd os ydynt o dan 50 oed.