Egwyddorion Caldicott
Egwyddor 1
Cyfiawnhau’r diben/dibenion
Dylai unrhyw ddefnydd arfaethedig neu drosglwyddo gwybodaeth y gellir adnabod claf ohoni o fewn neu o sefydliad gael ei glustnodi yn glir a dylai fod yn destun craffu, a dylai defnydd parhaus gael ei adolygu gan warcheidwad priodol.
Egwyddor 2
Peidiwch â defnyddio gwybodaeth y gellir adnabod claf ohoni oni bai fod hynny yn gwbl angenrheidiol. Ni ddylid cynnwys gwybodaeth y gellir adnabod claf ohoni oni bai fod hynny yn hanfodol at ddibenion penodol y gwaith. Dylid ystyried yr angen i adnabod y claf ar bob cam wrth fodloni’r dibenion.
Egwyddor 3
Defnyddiwch cyn lleied â phosibl o wybodaeth y gellir adnabod y claf ohoni.
Pan ystyrir bod defnyddio gwybodaeth allai ddatgelu hunaniaeth y claf yn hanfodol, dylai cynnwys pob eitem unigol o wybodaeth gael ei ystyried a’i gyfiawnhau fel bod cyn lleied â phosibl o wybodaeth sydd yn datgelu hunaniaeth yn cael ei throsglwyddo neu yn hygyrch, fel sydd yn angenrheidiol er mwyn cyflawni unrhyw swyddogaeth benodol.
Egwyddor 4
Dim ond pan fo wir angen hynny y dylid cael mynediad at wybodaeth allai ddatgelu hunaniaeth claf. Dim ond yr unigolion hynny sydd angen mynediad at wybodaeth o’r fath ddylai gael mynediad ati, a dylent ond gael mynediad at yr eitemau gwybodaeth y maent angen eu gweld. Gallai hynny olygu cyflwyno camau rheoli neu rannu llif gwybodaeth pan fo un llif gwybodaeth yn cael ei ddefnyddio at nifer o ddibenion.
Egwyddor 5
Dylai pawb sydd â mynediad at y cyfryw wybodaeth fod yn ymwybodol o’u cyfrifoldebau. Dylid cymryd camau er mwyn sicrhau bod y rhai sydd yn trin y cyfryw wybodaeth - yn staff clinigol ac anghlinigol yn gwbl ymwybodol o’u cyfrifoldebau a’u hymrwymiadau i barchu cyfrinachedd cleifion.
Egwyddor 6
Deall a chydymffurfio â’r gyfraith. Mae’n rhaid i bob defnydd a wneir o’r cyfryw wybodaeth fod yn gyfreithlon. Dylai rhywun ym mhob sefydliad sydd yn trin gwybodaeth am gleifion fod yn gyfrifol am sicrhau bod y sefydliad yn cydymffurfio â gofynion cyfreithiol.