Cymysgedd o sgiliau practis
Mae gan bob practis unigolion sydd â sgiliau; mae’r gymysgedd o’r rhain yn cyfrannu at redeg y practis yn effeithlon. Nid yw’n ddichonadwy i bob meddyg teulu feddu ar lefel sgiliau uchel yn mhob maes, ac oherwydd hynny gall fod yn ddefnyddiol cynllunio’r cymysgedd o sgiliau sydd yn bodoli yn y practis. Gall y gymysgedd o sgiliau roi mwy neu lai o bwysau ar PDP unigolyn. Mae’r templed isod yn galluogi i’r practis edrych ar sgiliau y bydd efallai eu hangen er mwyn darparu gwasanaeth da/gwell, ac mae’r templed myfyriol yn rhoi cyfle i’r unigolyn archwilio eu sgiliau a’u hanghenion unigol i’r dyfodol. Nid yw’r templed yn gyflawn a dylai’r practis nodi’r sgiliau sydd eu hangen yn eu hardal eu hunain (e.e. nid yw rhannu moddion yn gymwys i bob practis)
Gellir lawrlwytho templed yma.
Example
| Sgil | Pwy sydd yn meddu ar y sgil hwnnw? | A yw hon yn ddarpariaeth ddigonol? | Anghenion hyfforddi (ar gyfer pwy?) |
|---|---|---|---|
| Goruchwylio iechyd plant | Dr A, Dr B a 2 ymwelydd iechyd | Ydi, mae’r clinig yn cael ei rannu rhwng y ddau feddyg a’r ymwelwyr iechyd, a dim ond unwaith rydym wedi orfod canslo’r clinig oherwydd absenoldeb y ddau bartner. | Aeth Dr A gwrs18 mis yn ôl. Mae Dr B angen mynd ar gwrs diweddaru. Mae’r ddau ymwelydd iechyd yn cael hyfforddiant blynyddol gan yr ymddiriedolaeth |
| Mân lawdriniaethau | Dr C ac i ryw raddau Dr D | Efallai ddim, Dr C sydd yn gwneud y rhan helaeth o fân lawdriniaethau, ac oherwydd hynny mae ganddo restr aros o 2 fis ar gyfer achosion nad ydynt yn rhai brys. Mae’r triniaethau (taliad) yn cael ei gapio gan y LHB, felly ni fyddai ymestyn ein darpariaeth yn cynyddu incwm. | Mae hyfforddiant Dr C yn gyfredol, byddai Dr D yn dymuno ehangu ei sgiliau a bydd yn mynychu cwrs diweddaru ymhen 2 fis a bydd yn cael peth hyfforddiant mewnol gan Dr C. |
| Gosod IUD | Dr D a Dr A | Ydi, mwy na digon mae’n debyg - mae pob partner yn gosod 10-12 bob blwyddyn sydd yn ddigon i gynnal sgiliau. | Ddim ar hyn o bryd |
| Cytoleg | Prif Nyrs A Prif Nyrs B Dr A, C, D ac E | Ydi, mae’n ddigonol mae’n debyg. Roedd Dr B yn arfer perfformio profion ceg y groth ond nid yw wedi cael hyfforddiant cytoleg hylif. | Na, mae Dr B yn hapus i beidio â chymryd cytoleg |
| Gwiriad diabetes blynyddol | Dr E a Phrif Nyrs B | Ddim yn ddigon i ymdopi â’r swm. Mae Prif Nyrs B yn cael ei llethu gan wiriadau blynyddol ac nid yw’n bosibl i Dr E weld yr holl gleifion ei hun. | Mae angen gwerthuso strwythur gofal diabetig y practis ac mae Dr E, Prif Nyrs B a Dr A wedi cytuno i edrych ar hyn a nodi newidiadau strwythurol ac anghenion hyfforddi. |
| Ychwanegwch sgiliau eraill isod |
Trosolwg o anghenion hyfforddiant y practis
| Angen | Sut fydd yr angen yn cael ei fodloni | Cwblhawyd | Unrhyw newid? |
|---|---|---|---|
| Mae Dr B angen mynd ar gwrs diweddaru Iechyd Plant | Mae cwrs lleol yn cael ei gynnal yn flynyddol (y cwrs nesaf wedi ei fwcio, ond ni fydd am 4 mis arall) | ||
| Bydd Dr D yn mynychu cwrs diweddaru mewn Mân lawdriniaethau | Diweddaru mân lawdriniaethau mewn canolfan ôl-radd leol | Cwblhawyd 23 Mehefinrd June | Bydd Dr D nawr yn cael 3 i 4 o sesiynau dan oruchwyliaeth gyda Dr C a bydd yn cymryd mwy o rôl yn y practis |
| Gofal diabetes | Yn destun archwiliad ar hyn o bryd gan Dr E, A a Phrif Nyrs B |
Os yw eich practis wedi cwblhau y templed uchod efallai y byddwch yn dymuno archwilio eich rôl a blaenoriaethau hyfforddiant posibl i’r dyfodol drwy ddefnyddio’r templed yma.
Enghraifft
| A wyf yn meddu ar sgiliau penodol neu a wyf yn gyfrifol am faes gwaith penodol yn y practis? | Rwyf yn cynnal clinigau iechyd plant unwaith bob pythefnos ac rwyf wedi derbyn hyfforddiant yn ystod y 18 mis diwethaf. Rwyf yn ffitio IUD ac yn cymryd cytoleg, mae gen i ddiddordeb mewn cardioleg ond nid wyf yn perfformio rôl benodol yn y practis. Rwyf ar fin ymwneud â gofal diabetig. |
| A oes yna fylchau yng nghymysgedd sgiliau y practis yr wyf angen hyfforddiant er mwyn gallu eu llenwi? | Bydd angen i mi ddiweddaru fy ngofal diabetig pan fyddaf yn symud i mewn i helpu i gynnal y clinig adolygu blynyddol. Rwyf yn hyderus ynghylch ataliaeth cardiaidd, ond yn llai hyderus o ran archwilio corfforol - y llygaid yn benodol. Rwyf hefyd yn llai cyfarwydd â’r cyfryngau glycaemig newydd drwy’r geg. |
| Beth yw’r anghenion hyfforddi hynny ac ym mha ffordd mae eu bodloni? | Rwyf yn credu bod angen i mi edrych ar elfennau gwiriad blynyddol a pha archwiliadau fyddaf yn eu perfformio, ac a oes yna eraill yn y tîm (estynedig) mewn lle gwell - er enghraifft rwyf yn rhydlyd o ran archwilio ffwndi, ond erbyn hyn mae pawb diabetig yn cael ffotograffiaeth retinol blynyddol - felly a oes angen y sgil yma arnaf? Yn sicr rwyf angen diweddaru fy ngwybodaeth am gyfryngau glycaemig drwy’r geg ac inswlin. Byddaf yn gwneud hynny mewn nifer o ffyrdd - mae yna gwrs diabetig sydd yn cael ei gynnal yn eithaf rheolaidd yn lleol, a bydd yna elfen o ddarllen personol, ond rwyf hefyd yn bwriadu ysgrifennu ychydig o hanes achosion a’u trafod gyda Dr E. |
| A oes yna unrhyw feysydd yr hoffech eu datblygu (hyd yn oed os yw’n faes nad yw’r practis angen mwy o ddarpariaeth) | Buaswn yn hoffi gwneud ychydig o fân lawdriniaethau ac rwyf am fynychu cwrs ymarferol, byddaf mae’n debyg yn cyfyngu fy hun i driniaethau llai, ond mae gen i ddiddordeb yn hyn (efallai y flwyddyn nesaf) |